1.5 ildən çox kommersiya təcrübəsinə malik Backend Developer-əm. Əsasən PHP və Laravel ilə veb tətbiqlər və RESTful API-lər hazırlayıram. MySQL verilənlər bazasının qurulması və sorğuların optimallaşdırılması üzrə güclü biliklərim var. Hər tapşırığa əvvəlcə onun biznes məntiqini anlamaqla yanaşıram. GlobalSoft-da çoxdilli, SEO-ya uyğun veb layihələr hazırlamış, ödəniş sistemləri və üçüncü tərəf xidmətlərin inteqrasiyası üzərində işləmişəm. Təmiz, oxunaqlı və saxlanması asan kod yazmağa üstünlük verirəm, Git əsaslı komanda işində rahat çalışıram. Yeni texnologiyaları öyrənməyə və peşəkar inkişafa açığam.
2021–2025-ci illərdə Azərbaycan Dövlət Neft və Sənaye Universitetində İnformasiya texnologiyaları ixtisası üzrə bakalavr təhsili almışam. Təhsil müddətində proqramlaşdırma, verilənlər bazaları, alqoritmlər və veb texnologiyaları üzrə nəzəri və praktiki biliklər qazanmışam. Universitet illərində öyrəndiklərimi real layihələrdə tətbiq etməyə başlamış, 2025-ci ildən isə GlobalSoft şirkətində Backend Developer kimi işləmişəm.
Əlavə olaraq “Code for Future” Frontend Development təlim proqramını bitirib sertifikat almışam. Bu proqramda HTML, CSS, JavaScript və müasir frontend yanaşmaları üzrə praktiki təcrübə qazanmışam. Hazırda PHP, Laravel, WordPress və veb performans optimallaşdırması istiqamətində biliklərimi davamlı olaraq inkişaf etdirirəm.
İş təcrübəmə əsasən, əsas istiqamətim Backend Development olub. Müxtəlif şirkətlər və dövlət qurumları üçün hazırlanmış veb layihələrin inkişafında iştirak etmiş, əsasən PHP, Laravel, MySQL, Redis, RESTful API, Docker və müasir backend texnologiyalarından istifadə etmişəm. Böyük şirkətlər üçün korporativ platformalar, e-commerce layihələri, eləcə də mövcud sistemlərin inkişafı və texniki dəstəyi üzərində çalışmışam.
GlobalSoft MMC-də Backend Developer kimi fəaliyyətim müddətində müxtəlif layihələr üzərində işləmişəm. Bu layihələrə AzerGold, Mayak.az, Sonifer Azerbaijan və GlobalSoft-un korporativ veb-saytı kimi layihələr, həmçinin Shark Sushi, PTSP, Propaganda, 4Drive, Turalux, AzerGold Gift, Redline Studio, Mocuze Market, Autism Portal, National Accreditation Organization, AddGlobal və Finex və.s layihələr daxildir. Əsas fəaliyyətim backend arxitekturasının və RESTful API-lərin hazırlanması, verilənlər bazasının qurulması və optimallaşdırılması, ödəniş sistemləri və üçüncü tərəf xidmətlərin inteqrasiyası, mövcud funksionallığın inkişaf etdirilməsi və layihələrin texniki dəstəyi ilə bağlı olub.